Корпус ЕГУ

Будынак навучальнага корпуса ў ЕГУ супольны з Універсітэтам імя Мікаласа Ромерыса (Mykolo Romerio universitetas). Навучальны корпус у атачэнні лесу ў прэстыжным раёне Антокаль (Antakalnis) – ідэальнае месца для навучання і навуковых даследаванняў. Паводле ўмоваў дамовы з урадам Літвы будынак навучальнага корпуса перададзены ў карыстанне ЕГУ бясплатна.

Як дабрацца да навучальнага корпуса ЕГУ:

  • Асноўны навучальны корпус ЕГУ месціцца па адрасе: вул. Валакупю, 5 (Valakupių g. 5), Вільня.
  • Адміністрацыйны корпус ЕГУ, а таксама Цэнтр нямецкіх даследаванняў, Аддзел міжнародных сувязяў і офіс праграмы МВА размешчаныя па адрасе: вул. Таўра, 12 (Tauro g. 12), Вільня.

Як дабрацца на грамадскім транспарце:

  1. з цэнтра Вільні – тралейбусамі 2 (ад вакзала), 14, 19, аўтобусам 4G да прып. Nemenčinės plentas (перайсці дарогу, прайсці па сцяжынцы праз лесапарк);
  2. з цэнтра Вільні – тралейбусам 4 да тралейбуснага кольца (Antakalnio žiedas) (перайсці дарогу, прайсці па сцяжынцы праз лесапарк);
  3. з раёна Жырмуны (Žirmūnai) – тралейбусам 21 да прып. Nemenčinės plentas (перайсці дарогу, прайсці па сцяжынцы праз лесапарк);
  4. з цэнтра Вільні альбо Pramogų arena – тралейбусам 10 да прып. Lizdeikos (узысці па сходах, перайсці дарогу);
  5. ад гандлёвага цэнтра «Akropolis» альбо Pramogų arena – аўтобусам 5G да прып. Lizdeikos (узысці па сходах, перайсці дарогу);
  6. з студэнцкага гарадка Саўлецякіс (Saulėtekis) – тралейбусамі 2, 14, 19, 21, аўтобусамі 18, 38 да прып. Nemenčinės plentas (прайсці па сцяжынцы праз лесапарк).
  7. з студэнцкага гарадка Саўлецякіс (Saulėtekis) – тралейбусам 10, аўтобусам 5G да прып. Lizdeikos.

Больш дэталёвая інфармацыя датычна грамадскага транспарту – тут.