У анлайн-галасаванні могуць прыняць удзел усе студэнты, выпускнікі, выкладчыкі і супрацоўнікі ЕГУ. Пераможца атрымае ганаровы сертыфікат, а таксама ў навучальным корпусе ўніверсітэта будзе ўсталяваная ганаровай таблічка ў яго ці яе гонар.
Агульная колькасць выпускнікоў, намінаваных супольнасцю ЕГУ на атрыманне ўзнагароды, склала 9 чалавек. Камітэт па прысуджэнні ўзнагароды «Выбітнаму выпускніку ЕГУ» у складзе Прэзідэнта ЕГУ акад. Анатоля Міхайлава, Рэктара праф. Сяргея Ігнатава, кіраўніка акадэмічнай часткі праф. Аляксандра Калбаскі, трох выпускнікоў, адабраных выпадковым чынам з ліку тых, хто ўнёс ахвяраванні ў фонд стыпендыі выпускнікоў ЕГУ, і прэзідэнта Студэнцкага прадстаўніцтва Цімафея Малахоўскага, разгледзеў усе заяўкі і склаў шорт-ліст кандыдатаў.
Важна! Прагаласаваць за аднаго з кандыдатаў можна да 10 траўня па спасылцы.
Шорт-ліст:
Лізавета Бобрыкава (Бакалаўрская праграма «Медыя і камунікацыя», выпуск 2011 года. Магістарская праграма «Візуальныя і культурныя даследаванні», выпуск 2014 года).
Сумяшчае працу ў Booking.com і вядзенне аўтарскага праекта індустрыі «Bel:Cinema» пры Мінскім кінафестывалі «Лістапад». Выпускніца міжнароднага праекта «SOFA» 2016/2017. Удзельніца і дакладчыца Форума Creative Europe-2017 (Ерэван, Арменія).
Прадстаўніца кінаіндустрыі ад Беларусі: Міжнародны кінафестываль у Карлавых Варах, Міжнародны кінафестываль у Вільні, Берлінскі міжнародны кінафестываль «Берлінале».
Уладзімір Кавалкін (Магістарская праграма «Публічная палітыка», выпуск 2012 года)
Кіруе праектамі «Кошт урада», «Адкрытыя закупкі», «Зручны горад», піша шматлікія аналітычныя матэрыялы для найбуйнейшых медыя-парталаў Беларусі і з’яўляецца найбольш прыкметным актывістам у галіне барацьбы з карупцыяй у Беларусі. Уладзімір з’яўляецца экспертам Школы маладых менеджараў публічнага адміністравання.
Цімафей Савіцкі (Бакалаўрская праграма “Міжнароднае права”, выпуск 2013 года)
Юрысконсульт інвестыцыйнага фонду Haxus (праекты MSQRD, Maps.me, Fabby, Фло і іншыя). Выкладчык дысцыплін «Права інтэлектуальнай уласнасці», «Супрацьдзеянне карупцыі» і «Асновы права» ў Інстытуце бізнесу і менеджменту тэхналогій Беларускага дзяржаўнага універсітэта. Аўтар шматлікіх публікацый юрыдычнай накіраванасці ў беларускіх СМІ і юрыдычных выданнях. Стыпендыят праграмы Фулбрайт 2015 года (Чыкагская школа права Джона Маршала).
Раней працаваў юрыстам у міжнароднай юрыдычнай фірме COBALT, юрыдычны кансультант у стартап-інкубатары Serendipity Innovations (Стакгольм, Швецыя). Стажыраваўся ў міжнароднай арганізацыі FINCA International (Вашынгтон, ЗША).