Публічная палітыка

Акадэмічная ступень

Mагістр палітычных навук

Тэрмін навучання

1,5 гады

Нацыянальны код адукацыйнай праграмы

621L22007

Апісанне праграмы

Мэта магістарскай праграмы “Публічная палітыка” – падрыхтоўка спецыялістаў у галіне дзяржаўнага кіравання, менеджменту ў сферы грамадзянскай супольнасці, а таксама для прафесійнай дзейнасці ў міжнародных і рэгіянальных грамадскіх арганізацыях.

Паняцце “публічная палітыка” мае разнастайныя значэнні, пачынаючы ад дзяржаўнага кіравання і працэдур прыняцця палітычных рашэнняў да ўдзелу ў гэтых працэсах грамадскасці. Публічная палітыка прадугледжвае актыўны грамадзскі ўдзел у рэалізацыі ўлады, што забяспечвае празрыстасць апошняй і яе падкантрольнасць грамадству. Для дзейнасці ў сферы публічнай палітыкі неабходны сумесныя намаганні розных палітычных і грамадскіх суб’ектаў, а таксама спецыялістаў-прафесіяналаў новага пакалення. Яны павінны быць знаёмыя з міжнароднымі стандартамі і лепшымі практыкамі дзяржкіравання, быць здольнымі аналізаваць і кваліфікавана тлумачыць палітычныя працэсы, якія адбываюцца ў краіне і свеце. Ва ўмовах развіваючыхся ўзаемаадносін з Еўрапейскім звязам патрэба ў такіх спецыялістах відавочная і прызнаецца як у Беларусі, так і ў іншых краінах постсавецкай прасторы. Праграма “Публічная палітыка” з’яўляецца адной з нешматлікіх адукацыйных магчымасцяў, якія існуюць для грамадзян Беларусі ў гэтым напрамку.

Магістарская праграма “Публічная палітыка” ЕГУ была распрацавана сумесна з факультэтам публічнага адміністравання Лейдэнскага ўніверсітэта (Нідэрланды), які з’яўляецца адным з вядучых еўрапейскіх цэнтраў па падрыхтоўцы прафесіяналаў у галіне публічнай палітыкі і адміністравання; і Нідэрландскім інстытутам дзяржаўнага кіравання ROI, які прапануе інавацыйныя праграмы навучання па месцы працы для дзяржаўных служачых.

Выпускнікі праграмы атрымліваюць якасныя веды і навыкі:

  • разумення спецыфікі публічнай палітыкі, актуальных практык дзяржаўнага кіравання і сістэм дзяржаўнай службы;
  • аналізу, распрацоўкі і рэалізацыі публічнай палітыкі, а таксама грамадскіх праграм і праектаў;
  • працэдур і эфектыўных практык прыняцця палітычных рашэнняў;
  • дыягностыкі і аналізу сацыяльна-эканамічных праблем развіцця грамадства;
  • выкарыстання сучаснага інструментара палітычнага аналізу і тэхналогій палітычнага менеджменту;
  • арганізацыі грамадскага дыялогу і ўдзелу грамадскіх арганізацый і грамадзян у фарміраванні публічнай палітыкі, уключаючы партнёрства дзяржаўнага і прыватнага сектараю

Кар’ерныя перспектывы

  • аналітыкі нацыянальных і міжнародных даследчых цэнтраў;
  • прафесіяналы ў галіне дзяржаўнага кіравання;
  • супрацоўнікі і менеджэры міжнародных арганізацый;
  • палітычныя аналітыкі і кансультанты;
  • менеджэры праектаў і PR-менеджэры;
  • палітычныя аглядальнікі, журналісты;
  • супрацоўнікі няўрадавых арганізацый і палітычных партый;
  • працяг навучання ў дактарантуры універсітэтаў Еўропы і ЗША.

Заяўкі, аплата і стыпендыі

Кошт навучання на 2016/17 навуч. год

Для грамадзянаў і рэзідэнтаў Беларусі Для грамадзянаў іншых краін
Рэйтынг 9,61 і вышэй – €0/год
Рэйтынг ад 9,21 да 9,60 – €750/год
Рэйтынг 9,20 і ніжей – €1500/год
€2500/год

* Рэйтынг абітурыентаў магістратуры разлічваецца на падставе сярэдняга арыфметычнага наступных параметраў: 1) Сярэдні бал дадатку да дыплома аб вышэйшай адукацыі; 2) Адзнака па іспыце па ангельскай мове; 3) Адзнака па даследчым праекце

Агульная інфармацыя датычна працэсу паступлення, патрабаванняў, фінансавай падтрымкі.

Патрабаванні да паступлення на паасобныя магістарскія праграмы (спасылкі на рускую версію сайта, што рэгулярна абнаўляецца).

Кантакты

recruitment@ehu.lt
questionehu
+370 5 2639650
Зараз мы аднаўляем вэб-старонку ўніверсітэта. Загадзя выбачаемся за магчымыя нязручнасці.