Вось якія пытанні будуць разгледжаны на канферэнцыі:
- Як будзе і павінен развівацца прафсаюзны рух у Беларусі?
- Ці можа дэмакратычны прафсаюз з’явіцца ў ЕГУ?
- Што азначае свабода асацыяцыі ў форме стварэння прафсаюза для рэалізацыі іншых правоў – сацыяльных, эканамічных, грамадзянскіх?
- Ці можа прафсаюз аб’явіць забастоўку?
- Чаму МАП падрыхтаваў Канвенцыю аб забароне гвалту і дамаганняў на працоўным месцы? Ці дастасавальна яна ва Універсітэце і ці правільна мы разумеем тэрмін «харасмэнт»?
У канферэнцыі прымуць удзел прафесары ЕГУ, у тым ліку і рэктар Кшыштаф Рыбіньскі. Таксама з дакладамі выступяць прадстаўнікі незалежных беларускіх прафсаюзаў і працоўнага руху, МАП, нарвежскіх прафсаюзаў і знешнія эксперты.
Канферэнцыя пачнецца а 13:00 у аўдыторыі 303 у кампусе ЕГУ / Zoom.
Рабочыя мовы: беларуская, руская, англійская.
Па выніках канферэнцыі чакаецца сумесная заява ўдзельнікаў.
Форма рэгістрацыі па спасылцы.
Чакаем вас на канферэнцыі!