Падрыхтоўчыя курсы ЕГУ ўяўляюць сабой адукацыйны цыкл, які дазваляе атрымаць грунтоўную гуманітарную падрыхтоўку перад вучобай на абранай бакалаўрскай праграме. Падчас вучобы абітурыенты змогуць паглыбіцца ва ўніверсітэцкую атмасферу і зразумець, што значыць быць студэнтам ЕГУ. Перавагай праграмы для абітурыентаў з’яўляецца магчымасць вывучаць Агульнагуманітарныя і спецыялізаваныя навучальныя курсы разам са студэнтамі бакалаўрыяту а таксама быць аўтаматычна залічанымі ў ЕГУ пры паспяховым заканчэнні Падрыхтоўчага года.
Важна! Для паступлення на Курсы падрыхтоўчага года іспыты здаваць не трэба. Старшакласнікам і выпускнікам школ, гімназій і ліцэяў неабходна да 9 верасня запоўніць электронную анкету і прайсці сумоўе.
Падрыхтоўчы год ЕГУ ў Вільні і Мінску ўключае ў сябе:
- Англійскую мову для навучальных мэтаў А2-В1
- Увядзенне ў гуманітарныя веды
- Падрыхтоўку па эсэ / кампазіцыі
- Праектную дзейнасць (семінар)
Курсы прапаноўваюцца ў двух фарматах:
- Дзённы фармат ў Вільні (толькі для асоб з сярэдняй або сярэдняй спецыяльнай адукацыяй);
- Дзённы фармат у Мінску (для 11-класнікаў і асоб з сярэдняй або сярэдняй спецыяльнай адукацыяй).
Працягласць навучання – з кастрычніка 2017 г. да чэрвеня 2018 г.
Кошт навучання – 1400 еўра (у Вільні) / 700 еўра (у Мінску).