Акадэмічная ступень
Магістр сацыяльных навук
Тэрмін навучання
1.5 года
Нацыянальны код адукацыйнай праграмы
6211CX016
Апісанне праграмы
Праграма «Гендарныя даследаванні» накіравана на падрыхтоўку высокакваліфікаваных сацыёлагаў, якія валодаюць навуковымі і практычнымі навыкамі працы; здольных сістэматычна аналізаваць актуальныя сацыяльныя з’явы і праблемы, звязаныя з рознымі гендарнымі катэгорыямі; ажыццяўляць падрыхтоўку і рэалізацыю праектаў сацыялагічных даследаванняў, прытрымліваючыся этычных нормаў; на аснове атрыманых вынікаў сацыялагічных даследаванняў прапаноўваць магчымыя рашэнні сацыяльных праблем, звязаных з гендарнымі нормамі; працаваць у шматкультурным асяроддзі, самастойна планаваць і рабіць прафесійную кар’еру.
Адметныя рысы гэтай праграмы:
- Адзіная паўнавартасная магістарская праграма па гендарных даследаваннях у Літве і Беларусі;
- Праграма заснавана на больш чым 20-гадовай традыцыі ў галіне гендарных даследаванняў ЕГУ;
- Праграма распрацавана на аснове вопыту вядучых заходніх універсітэтаў, пры ўдзеле прадстаўнікоў выкладчыцкага складу ЕГУ – спецыялістаў у галіне гендарных даследаванняў і запрошаных спецыялістаў з іншых краін;
- Мова выкладання і навучання – англійская;
- Змешаны («blended») фармат навучання, які спалучае вочнае навучанне ў Вільні і дыстанцыйнае навучанне;
- Унікальны склад выкладчыкаў, які ўключае ў сябе высокакваліфікаваных і вопытных спецыялістаў у галіне гендарных даследаванняў;
- Злучэнне тэорыі і практыкі, даследчай і праектнай дзейнасці, арыентаванай на гендарнае вымярэнне;
- Націск на паляпшэнне даследчых навыкаў студэнтаў;
- Міждысцыплінарны падыход, які дае студэнтам веды ў галіне права, палітыкі і іншых навук.
Навучальны план магістарскай праграмы «Гендэрныя даследаванні»
Кар’ерныя перспектывы
- сацыёлагі;
- кансультанты;
- аналітыкі нацыянальных і міжнародных даследчых цэнтраў;
- прафесіяналы ў галіне гендарных даследаванняў;
- супрацоўнікі урадавых і няўрадавых арганізацый;
- супрацоўнікі кадравых службаў і агенцтваў, медыя-агенцтваў, адукацыйных устаноў, і інш.