Гэта ўнікальная магчымасць сустрэцца з вядомымі беларускімі кінакрытыкамі Ірэнай Кацяловіч і Тарасам Тарналіцкім, якія прэзентуюць ініцыятывы апошніх трох гадоў у сферы незалежнага беларускага кіно. Больш пра нашых гасцей:
- Ірэна Кацяловіч — беларускі кінакрытык і журналістка, сябра Міжнароднай федэрацыі кінакрытыкаў FIPRESCI, уваходзіць у журы прэміі “Залаты глобус”. Выступала ў якасці сябра журы на кінафестывалях у Беларусі, Нямеччыне, Харватыі, Польшчы. Працавала кінакрытыкам і культурніцкаю журналісткай у газеце “Звязда” і выданні “Наша Ніва”, пісала рэцэнзіі для радыё “Свабода”, была рэдактаркай і вядоўцаю праграмы пра культуру на тэлеканале “Белсат”. Сузаснавальніца Беларускай незалежнай кінаакадэміі і прэміі “Чырвоны верас”.
- Тарас Тарналіцкі — беларускі журналіст, стваральнік тэлеграм-каналу пра беларускае кіно “Священный Белавуд”. Працуе ў медыях 15 гадоў, публікаваўся ў больш як 30 выданнях Беларусі, Украіны і Расеі. Сябра Беларускай асацыяцыі журналістаў. Уваходзіў у склад журы кінафестываляў Open air film fest, “Нефільтраванае кіно”, Velcom Smartfilm, выступаў запрошаным кінакрытыкам, экспертам і менеджарам у шэрагу кінаініцыятываў, з’яўляецца сузаснавальнікам прэміі “Чырвоны верас”.
Апроч цікавай дыскусіі на тэму сучаснага беларускага кіно, вас чакае прэзентацыя прэміі кінакрытыкаў “Чырвоны Верас”, а нашыя студэнты распавядуць пра штогодны фестываль студэнцкага кіно “RETROSPECTIVE”, які праводзіцца пры падтрымцы ЕГУ.
Калі вам цікава кінаіндустрыя і усё, што з ёй злучана, ці вы марыце зняць свой фільм, або ён у вас ужо ёсць і вы хочаце даслаць яго на розныя фестывалі, рэгіструйцеся на імпрэзу па спасылцы ніжэй каб даведацца шмат новых ведаў і лайфхакаў ад прафесіянала_к сваёй справы. Мадэратарка дыскусіі — прафесарка акадэмічнага дэпартамента сацыяльных навук Альміра Ўсманава. Вы можаце наведаць сустрэчу, калі не з’яўляецеся студэнт_кай ЕГУ!
Рэгістрацыя на мерапрыемства
Дзе: ЕГУ, аўдыторыя 303 (only offline)
Калі: 26 студзеня, 15:30
Уваход: безкаштоўны, толькі паводле рэгістрацыі (колькасць месцаў абмежавана)
Не прапусціце магчымасць атрымаць каштоўныя веды і карысна правесці свой час!