У ўрачыстым мерапрыемстве прымуць удзел ганаровыя госці цырымоніі, члены Агульнага сходу суўладальнікаў і Кіраўнічай рады, кіраўнікі дэпартаментаў і аддзелаў Універсітэта.
З прывітальным словам да студэнцкай, акадэмічнай і прафесійнай супольнасці Універсітэта звернецца выконваючы абавязкі рэктара ЕГУ доктар Вілюс Шадаўскас.
Музычныя творы выканае універсітэцкі хор.
Па добрай універсітэцкай традыцыі пасля афіцыйнай часткі цырымоніі адбудзецца разразанне святочнага торта. Гэты жэст сімвалізуе пачатак навучальнага года, багатага новымі ведамі, творчымі адкрыццямі і выбітнымі дасягненнямі.
Тым, хто плануе наведаць цырымонію, неабходна запоўніць рэгістрацыйную форму да 28 верасня. Таксама будзе магчымасць далучыцца да трансляцыі на YouTube.
Цырымонія пачнецца ў 13:00 (па Вільні і Мінску).
З нецярпеннем чакаем сустрэчы з вамі і спадзяемся, што гэты год будзе яркім, натхняльным і плённым!
Не забудзьцеся выкарыстоўваць наш хэштэг на гэты дзень: #EHUCLASS2024