Мерапрыемства збірае спецыялістаў з розных краін, каб абмеркаваць сучасныя выклікі ў галіне захавання спадчыны ва ўмовах нестабільнасці і крызісаў. У мерапрыемстве таксама прымуць удзел выкладчыкі і студэнты адукацыйных праграм “Еўрапейская спадчына і крэатыўны турызм” і “Развіццё культурнай спадчыны” ў ЕГУ.
Адмысловае месца ў праграме зойме прэзентацыя VR-рэканструкцыі Вялікай сінагогі ў Воўпе – адной з самых прыгожых драўляных сінагог у Еўропе, разбуранай падчас Другой сусветнай вайны і адноўленай у лічбавым фармаце ў выніку міждысцыплінарнага супрацоўніцтва, якое доўжылася на працягу года. У наведвальнікаў будзе магчымасць азнаёміцца з рэканструкцыяй праз VR-гарнітуру, прайшоўшы па сінагозе ў імерсіўным віртуальным туры.
Далучайцеся да нас, каб даведацца, як тэхналогіі, гістарычныя даследаванні і грамадзянская адказнасць могуць перасякацца для захавання памяці, якая знаходзіцца пад пагрозай знікнення, і ўбачыць гэтую страчаную спадчыну ў віртуальнай рэальнасці.
Мерапрыемства адбудзецца 17 красавіка а 11 гадзіне па адрасу Stiklių g. 4 (Vilniaus senamiesčio atnaujinimo agentūra).