Анталогія адлюстроўвае зменлівасць Вільні праз паэзію розных эпох і пакаленняў, ствараючы вобраз горада вачыма беларускіх творцаў. Асаблівай атмасферы кнізе надаюць архіўныя і сучасныя фотаздымкі Вільні ад класікаў беларускай фатаграфіі Уладзіміра Парфянка і Дзяніса Раманюка.
Мастацкім рэдактарам выдання стаў выкладчык Дэпартамента гуманітарных навук і мастацтваў ЕГУ, мастацтвазнавец і культуролаг Сяргей Харэўскі.
«Гэта кніга не пра пафас, а пра любоў. І рабілася яна з любоўю — да горада, да паэзіі і да нашага роднага слова», — адзначаюць стваральнікі анталогіі.
Кніга даступная на сайце выдавецтва «Логвінаў», а таксама ў бібліятэцы Еўрапейскага гуманітарнага ўніверсітэта.