Infocused — кароткі метр (пяць з паловай хвілін), які пачаўся як праект па Агульнаўніверсітэцкім семінары ЕГУ. Наша міні-група з шасці чалавек на працягу некалькіх месяцаў распрацоўвала некалькі сцэнароў, і трэцяя версія сцэнара пасля адабрэння ад куратараў праекта была пушчаная ў прадукцыю. Мы рабілі раскадроўкі, дамаўляліся з акцёрамі, рабілі кастынгі, рыхтавалі пляцоўку, прапрацоўвалі кадры — агулам рыхтаваліся да здымак. Самі здымкі занялі, калі не памыляюся, два дні і адбываліся ў сутарэннях навучальнага корпуса ЕГУ. Тэхніку для здымак у асноўным бралі ў Медыяхабе ЕГУ. Там і рабілі мантаж, ён заняў некалькі тыдняў і фільм апынуўся гатовым якраз да прэзентацыі фінальных праектаў семінару, і там быў упершыню паказаны на больш-менш шырокую аўдыторыю.
Пасля фільм пэўны час ляжаў на палічцы, чакаючы магчымасці быць паказаным на фестывалі. Паводле розных версіяў, было некалькі малых паказаў фільма, але гэта не пацверджаная інфармацыя ?
Сёлета 14 лістапада рэальная прэм’ера фільма адбылася на міжнародным фестывалі «Маскоўская прэм’ера», які спецыялізуецца на прэм’ерах незалежнага кіно краінаў Усходняй Еўропы.
Праз тыдзень пасля гэтай прэм’еры, фільм быў апублікаваны ў інтэрнэце. Яго можна знайсці тут:
Infocused зняты пры дапамозе ўніверсітэта і кінаклубу ЕГУ.
- аўтары: Антось Сівых, Елізавета Савіч, Міця Абрамчык, Анастасія Стасюкевіч, Арына Шчадранок, Таццяна Цішчанка;
- у ролях: Ульяна Ждановіч, Марыя Андрэева, Кліфані Нян, Алясандр Лядзяеў, Максім Мацюшчанкаў, Вікторыя Пуцько, Аляксей Сядура;
- спецэфекты: Елізавета Савіч;
- гук: Святаслаў Саламенік;
- пастаноўшчыкі: А. Сівых і Елізавета Савіч;
- дапаможца: Багдан Жуйкоў;
- мантаж: А. Сівых;
- дапаможца – Наста Маркевіч
