Навіны

Дэпартамент гуманітарных навук і мастацтваў ЕГУ і бакалаўрская праграма «Еўрапеская спадчына і крэатыўны турызм» сардэчна запрашаюць 27 сакавіка а 14.00 гадзіне ў 303 аўдыторыю (Vilnius, Savičiaus g. 17) на сустрэчу з Аляксандрам Астравухам, які прачытае лекцыю «MAME-LOŠN UN TATE-KALOŠN альбо рэстаўрацыя ідышу па-беларуску» і адкажа на вашыя пытанні.

Ідышная культура габрэяў Беларусі зьяўляецца важным складнікам у разнастайнасці беларускай культурнай спадчыны. Габрэі на тэрыторыі сучаснай Беларусі з’явіліся больш за 700 гадоў таму і  лічацца, нароўні з беларусамі, аўтахтоннай нацыяй на гэтых землях. А мова ідыш у 20-30 гады XX cт. мела афіцыйны статус адной з 4-х дзяржаўных моваў у БССР.

Падчас сустрэчы плануецца абмеркаваць як Амсціслаў (Мсціслаўль) стаў беларускім цэнтрам адраджэння мовы ідыш. Як народныя песні на ідышы, запісаныя ад амсціслаўцаў (мсціслаўцаў) Рыўкі Міркінай і Іцыка Ліпкова, сталі гімнамі і падручнікамі для беларускіх рэстаўратараў. И нават як можна вывучыць ідыш па кніжцы генсека КПСС Леаніда Брэжнева «Жыццё па завадзкому гудку». Але галоўнае — як ідыш даможа захаваць беларускую мову і ідэнтычнасьць!

Аляксандр Астравух — мастак-рэстаўратар, выкладчык, лектар, лінгвіст, экскурсавод.Ён скончыў Мінскае мастацкае вучылішча і Мінскую акадэмію мастацтваў па спецыалізацыі выкладчык мастацтва і кансерватар-рэстаўратар культурнай спадчыны. У 1994, 1995, 1998 г. Аляксандр Астравух праходзіў стажыроўкі па рэстаўрацыі культурнай спадчыны ў Венецыі (Італія), у Сігішаары (Румынія), Маўэрбахе (Аўстрыя). Вывучаў ідыш ў Асацыяцыі яўрэйскай культуры ў Мінску і ў Віленскім інстытуце ідыша (Літва).

Яшчэ раз пазначце ў сваіх нататніках і каляндарах 27 сакавіка 2025 г., 14.00, 303 аўд. – цікавая сустрэча з Аляксандрам Астравухам!

Для ўдзелу ў сустрэчы трэба прайсці рэгістрацыю па спасылцы