Адпаведнае пагадненне аб падтрымцы Нарвегіяй Надзвычайнага фонду ЕГУ падпісалі Рэктар праф. Сяргей Ігнатаў і Амбасадар Нарвегіі ў Літве і Беларусі Уле Тэр’е Харпестад.
Рэктар універсітэта падзякаваў Амбасадару Нарвегіі за вылучаную падтрымку і выказаў надзею на тое, што супрацоўніцтва паміж Нарвегіяй і ЕГУ будзе ўмацоўвацца і надалей. Варта адзначыць, што за 15 гадоў працы ўніверсітэта ўва ўмовах вымушанага выгнання Урад Нарвегіі агулам накіраваў больш за 3 400 000 еўра на падтрымку адзінага незалежнага беларускага ўніверсітэта.
Раней было паведамлена пра тое, што з боку Шведскага інстытута быў пералічаны першы ўнёсак у Надзвычайны фонд ЕГУ ў памеры каля 100 000 еўра (1 000 000 шведскіх крон).
Кіраўніцтва ЕГУ працягвае перамовы з кааліцыяй міжнародных донараў аб пашырэнні фінансавання для студэнтаў з Беларусі, якія сутыкнуліся з рэпрэсіямі на радзіме.
