Пісьменнік расказваў пра сваю кнігу апавяданняў «Бог дажджу», што выйшла па-беларуску ў выдавецтве «Логвінаў», а таксама пра раман «Маё імя – Марытэ».
Вершы і фрагменты прозы аўтара прагучалі у літоўскім арыгінале і ў беларускіх перакладах.
Мадэратар сустрэчы – Андрэй Хадановіч.
Студэнтка Ангеліна падзялілася сваімі ўражаннямі:
«Беларусы амаль нічога не ведаюць з літоўскай літаратуры. У нас доўгі час не было гэтага літаратурнага мосціка, не было абмену вопытам, канешне ў большасці за розніцы ў мовах. Таму я вельмі ўдзячна Андрэю Хадановічу, які правёў гэтую сустрэчу з Альвідасам Шляпікасам і стаў для студэнтаў звяном да літаратуры Роднай Еўропы».
