Для студэнтаў праграмы «Гісторыя» д-р Трацяк прачытала лекцыю на тэму «Моўная палітыка Беларусі і Польшчы (з 1990-х гадоў да нашых дзён)». Спікерка распавяла пра ключавыя аспекты моўнай палітыкі абедзвюх краін, статус нацыянальных моў, а таксама пра праграмы іх рэалізацыі і механізмы распаўсюджання. Асаблівая ўвага была нададзена ўплыву гістарычных і палітычных фактараў на развіццё моўнага асяроддзя – ад становішча беларускай мовы пасля атрымання незалежнасці да зменаў, якія адбыліся пасля прэзідэнцкіх выбараў 2020 года.
Лекцыя стала каштоўным укладам у пашырэнне ведаў студэнтаў пра працэсы, што фармуюць моўную палітыку ў рэгіёне, і дазволіла паглядзець на яе праз прызму сацыяльных і культурных кантэкстаў.
