У 2023/24 акадэмічным годзе ЕГУ ажыццяўляе набор на бакалаўрскія праграмы (пастаянная (вочная) і пастаянная сесійная (завочная) формы навучання):
- «Візуальны дызайн»;
- «Еўрапейская спадчына»;
- «Інфарматыка»;
- «Медыя і камунікацыя»;
- «Сусветная палітыка і эканоміка»;
- «Права»;
- «Тэатральнае мастацтва і акцёрская гульня»;
на магістарскія праграмы (змяшаная форма навучання):
- «Візуальная пластыка»;
- «Гендэрныя даследаванні»;
- «Міжнароднае гандлёвае і бізнес-права»;
- «Публічная палітыка»;
- «Развіццё культурнай спадчыны».
Падрабязная інфармацыя аб парадку паступлення ў ЕГУ даступная ў спецыяльным раздзеле сайта ўніверсітэта.
З графікам экзаменаў і календаром прыёмнай кампаніі можна азнаёміцца па спасылках: для абітурыентаў бакалаўрыяту пастаяннай (вочнай) і пастаяннай сесійнай (завочнай) формаў навучання, для абітурыентаў магістарскіх праграм.
Уступныя экзамены па кампазіцыі (для абітурыентаў праграмы «Візуальны дызайн»), мастацкім выкананні (для абітурыентаў праграмы «Тэатральнае мастацтва і акцёрская гульня») і англійскай мове (для абітурыентаў усіх праграм) пройдуць у анлайн-фармаце. Абітурыентам, якія паступаюць на магістарскія праграмы, неабходна здаць онлайн-экзамен па англійскай мове.
Азнаёміцца з коштам навучання на кожнай з праграм можна па спасылцы. Абітурыенты ЕГУ могуць прэтэндаваць на 50% або 100% грант на пакрыццё кошту навучання на падставе прадастаўленага партфоліа. У рамках прыёмнай кампаніі гэтага года партфоліо абітурыентаў прымаюцца з 24 красавіка па 7 ліпеня.
Па выніках разгляду анкет абітурыентаў прыёмная камісія прыме рашэнне аб запрашэнні абітурыента на анлайн-сумоўе.
Заснаваны ў Мінску ў 1992 годзе, Еўрапейскі гуманітарны ўніверсітэт сёння – гэта міжнародны ўніверсітэт, у якім навучаюцца больш за 1000 студэнтаў з 15 краін – Беларусі, Украіны, Расіі, Балтыйскага рэгіёну, Цэнтральнай Азіі і інш.
Місія ЕГУ – садзейнічаць развіццю грамадзянскай супольнасці праз гуманітарныя навукі і свабодныя мастацтва. Прапаноўваючы навучанне па мадэлі liberal arts, ЕГУ асаблівую ўвагу надае развіццю міждысцыплінарных ведаў, крытычнага мыслення, крэатыўнасці і інтэлектуальнай гнуткасці, што дазваляе ў поўнай меры раскрыць акадэмічны і крэатыўны патэнцыял студэнтаў. Спалучэнне фундаментальных гуманітарных ведаў і практычных навыкаў, традыцыйных фарматаў навучання і інавацыйных падыходаў робіць адукацыйны працэс у ЕГУ ўнікальным досведам.