У гэтым годзе пераможцай конкурса стала праца студэнткі 3 курса бакалаўрскай праграмы «Візуальны дызайн і медыя» сталай формы навучання Соф’і Малахавай. Паштоўка Соф’і з’яўляецца афіцыйнай Каляднай паштоўкай ЕГУ у гэтым годзе і будзе адпраўляцца партнёрам, донарам і сябрам Універсітэта па ўсім свеце.
Запрашаем студэнтаў, выкладчыкаў, выпускнікоў і супрацоўнікаў адміністрацыі ЕГУ выкарыстоўваць паштоўку, каб павіншаваць сваіх калег і партнёраў, якія супрацоўнічаюць з Універсітэтам.
Паштоўка даступная ў чатырох моўных версіях: па-беларуску, па-руску, па-англійску і па-літоўску.