10 красавіка прадстаўнікамі Народнай Амбасады Беларусі ў Швецыі былі агучаны вынікі праекта на беларускамоўным абшары Wikipedia. Пераможцамі #BelarusGap сталі:
- У катэгорыі «За найбольшую колькасць створаных артыкулаў у гэтым моўным раздзеле (беларускім класічным правапісам тарашкевіцай) пра жанчын з любой краіны» узнагароду атрымаў удзельнік Гарбацкі за стварэнне 40 новых артыкулаў;
- У катэгорыі «За найбольшую колькасць палепшаных артыкулаў у гэтым моўным раздзеле (беларускім класічным правапісам тарашкевіцай) пра жанчын з любой краіны» узнагароду атрымаў удзельнік Гарбацкі за паляпшэнне 15 артыкулаў;
- У катэгорыі «За найбольшую колькасць створаных артыкулаў у іншах моўных раздзелах пра беларускіх жанчын і пра жанчын, дзейнасць якіх мае дачыненне да Беларусі» узнагароду атрымаў удзельнік Tomasz Bladyniec за стварэнне 4 новых артыкулаў ў польскай Wikipedia.
Супольнасць ЕГУ віншуе пераможцаў!
Створаныя д-рам Уладзіславам Івановым артыкулы прысвечаны літоўскім пісьменніцам, перакладчыцам; малавядомым беларускім паэткам, пісьменніцам; філёзафкам; пісьменніцам з іншых краін свету. Поўны спіс створаных артыкулаў можна знайсці па спасылцы.
Акцыя была арганізавана па ініцыятыве Міністэрства замежных спраў Швецыі, пры падтрымцы Амбасадаў Швецыі, Упраўлення ААН па правах чалавека, а таксама валанцёраў і актывістаў па ўсім свеце.
