Гісторыя

Бакалаўр гісторыі

6121NX078

Бакалаўрская праграма «Гісторыя» рыхтуе высокакваліфікаваных спецыялістаў, якія валодаюць глыбокімі ведамі гісторыі, крытычным мысленнем і даследчымі навыкамі.

Фокус на гісторыю Усходняй Еўропы і Беларусі дапамагае разумець глабальныя працэсы. Праграма ўключае вывучэнне Digital History, публічнай гісторыі, штучнага інтэлекту і Big Data для аналізу крыніц, адкрываючы шырокія кар’ерныя перспектывы.

Чаму варта выбраць гэтую праграму?

• Міжнароднае акадэмічнае асяроддзе — навучанне праходзіць у мультыкультурным адукацыйным асяроддзі, што спрыяе развіццю глабальнага гістарычнага мыслення.
• Унікальны навучальны план з практычнай накіраванасцю — праграма спалучае тэарэтычнае вывучэнне гісторыі з практычнымі даследаваннямі, працай з архівамі, крыніцамі і лічбавымі тэхналогіямі.
• Глабальныя перспектывы — студэнты атрымліваюць магчымасць навучацца ў вядучых спецыялістаў, праходзіць сумесныя курсы з універсітэтамі Еўропы і ЗША, уключаючы Бард-каледж, Прынстанскі ўніверсітэт, Інстытут гісторыі Літвы, а таксама ўдзельнічаць у акадэмічных абменах Erasmus+ і OSUN, што значна пашырае іх прафесійныя гарызонты.
• Фокус на рэгіянальную і лакальную гісторыю — вывучэнне гісторыі Вільнюса, Гданьска, Львова праз выязныя семінары і працу ў партнёрскіх інстытутах, такіх як Музей Другой сусветнай вайны ў Гданьску і Львоўскі Цэнтр гарадскіх даследаванняў.
• Развіццё крытычнага мыслення і даследчых кампетэнцый — студэнты вучацца аналізаваць крыніцы, аргументаваць высновы і прэзентаваць вынікі даследаванняў на розных мовах.
• Падрыхтоўка да навуковай і прафесійнай кар’еры — праграма арыентавана на падрыхтоўку спецыялістаў-даследчыкаў, здольных распрацоўваць і рэалізоўваць уласныя гістарычныя праекты.
• Паступовая моўная адаптацыя і асваенне моў — навучанне пачынаецца на беларускай мове з інтэнсіўным вывучэннем англійскай. Студэнты могуць фармаваць індывідуальную адукацыйную траекторыю, уключаючы вывучэнне нямецкай, літоўскай і польскай моў.

Вучэбны план праграмы

Праграма «Гісторыя» прапануе наступны фармат навучання:
сталы (вочны)

Выпускнікі праграмы «Гісторыя» атрымліваюць глыбокія веды ў галіне гістарычных даследаванняў, аналізу крыніц і крытычнага мыслення, што робіць іх запатрабаванымі спецыялістамі ў акадэмічным асяроддзі, культуры, медыя і сферы публічнай гісторыі.

Пасля завяршэння праграмы выпускнікі могуць працаваць:

• Даследчыкам, навукоўцам — удзел у навуковых праектах, правядзенне гістарычных даследаванняў.
• Экспертам па публічнай гісторыі — аналіз гістарычнай палітыкі, удзел у дыскусіях і праектах па захаванні спадчыны.
• Спецыялістам па Digital History — прымяненне лічбавых тэхналогій, Big Data і штучнага інтэлекту для аналізу гістарычных дадзеных.
• Супрацоўнікам архіваў, музеяў, бібліятэк — даследчая праца, стварэнне выстаў і адукацыйных праграм.
• Распрацоўшчыкам гістарычных турыстычных праграм — стварэнне маршрутаў, экскурсій і адукацыйных праектаў.
• Экспертам па гісторыі бізнесу і карпаратыўнай гісторыі — аналіз гістарычных дадзеных для эканамічных даследаванняў, распрацоўкі гістарычнага пазіцыянавання брэндаў.
• Гістарычным кансультантам у кіно і відэагульнях — стварэнне дакладнага гістарычнага кантэнту.
• Журналістам, медыяпрадзюсарам — праца ў СМІ, стварэнне дакументальных і адукацыйных матэрыялаў.
• Акадэмічная кар’ера — магчымасць працягнуць навучанне ў магістратурах Еўропы і ЗША па напрамках гісторыі, культурнай спадчыны, публічнай гісторыі і Digital History.

Умовы паступлення

Залічэнне на праграму «Гісторыя» ажыццяўляецца без уступных экзаменаў, на падставе матывацыйнага сумоўя.

📍 Не ведаеце, з чаго пачаць? Азнаёмцеся з пакрокавымі інструкцыямі для абітурыентаў па спасылцы.
📍 Даведайцеся больш пра кошт навучання, гранты і стыпендыі па спасылцы.

Кансультацыі па паступленні	Як паступіць у ЕГУ?Інструкцыя	Падаць анлайн- анкетуз 1 траўня
📩 Напішыце нам: consult@ehu.lt ️📞 Патэлефануйце, напішыце ў Viber, Telegram, WhatsApp: +370 (644) 96 317 ️🏛️ Сачыце за навінамі праграмы ў Instagram: @humart_ehu