Праф. У. Роўда ўнёс неацэнны ўклад у разуменне палітычнай праблематыкі сучаснага свету, аналіз найважнейшых канцэпцый паліталогіі: ён быў аўтарам вучэбнага дапаможніка па Параўнальнай паліталогіі ў трох частках, выпушчанага выдавецтвам Еўрапейскага гуманітарнага ўніверсітэта.
У 1990-ыя гады праф. У. Роўда актыўна прымаў удзел у адукацыйнай грамадзянскай супольнасці, разам з Віктарам Чарновым, яшчэ адным заўчасна памерлым палітолагам, выдаваў часопіс «Грамадзянская альтэрнатыва».
У часы працы ЕГУ ў Мінску, праф. У. Роўда супрацоўнічаў з франка-беларускім факультэтам палітычных і адміністрацыйных навук. Пасля пераезду ўніверсітэта ў Вільнюс з 2007 па 2015 г. праф. У. Роўда выкладаў студэнтам бакалаўрыяту і магістратуры ЕГУ курсы па параўнальнай паліталогіі, палітычнай сістэме Беларусі, сучасным тэорыям дэмакратыі і грамадзянскай супольнасці.
Магістарская праграма «Публічная палітыка» ЕГУ была створана пры актыўным удзеле праф. У. Роўда.
Праф. У. Роўда ставіў перад сабой задачу не толькі перадачы ведаў у сферы паліталогіі, але і фарміравання дэмакратычных каштоўнасцяў і грамадзянскай пазіцыі ў студэнтаў і чытачоў яго шматлікіх публікацый, даследчых і вучэбна-метадычных прац. Праф. У. Роўда супрацоўнічаў з рознымі партыямі, кансультаваў палітыкаў і актывістаў грамадзянскай супольнасці, выступаў за курс на еўрапеізацыю і саюз толькі з Еўрапейскім Саюзам.
Смерць праф. У. Роўда стала велізарнай стратай для акадэмічнай і палітычнай супольнасцяў Беларусі.
Супольнасць ЕГУ выказвае шчырыя спачуванні сям’і і блізкім прафесара Уладзіміра Роўды.