Гэты год для ЕГУ юбілейны — універсітэт адзначае 33 гады з дня свайго заснавання, і гэтую дату ён сустракае з некалькімі новымі праграмамі і вялікімі планамі па пашырэнні. Самая галоўная змена — гэта з’яўленне новага кампуса ў Вільнюсе — сучаснага, абсталяванага найноўшым абсталяваннем, лаунж-зонамі, коворкінгамі і ўтульнымі кухнямі для студэнтаў.
26 красавіка ўсе ахвотныя змогуць наведаць новы корпус ЕГУ ў Вільнюсе на праспекце Саванорю, дзе галоўнымі дзеючымі асобамі будуць самі студэнты. Яны раскажуць абітурыентам, як гэта — вучыцца ў сучасным еўрапейскім універсітэце, які імкліва развіваецца і ў нечым абагоніць тэхнічны прагрэс, захоўваючы еўрапейскія каштоўнасці і цікавасць да чалавека і яго магчымасцей як галоўны арыенцір.
Сумяшчэнне гуманітарных ведаў і найноўшых тэхналогій і рашэнняў у розных галінах робіць ЕГУ “Лабараторыяй інавацый”, якая рыхтуе студэнтаў да будучыні. Госты Дня адкрытых дзвярэй змогуць убачыць у рэальнасці, як працуе міждысцыплінарны падыход Liberal Arts у вышэйшай адукацыі — напрыклад, азнаёміцца з некаторымі праектамі для гульнявой індустрыі, якія разам распрацоўваюць студэнты розных спецыяльнасцей.
Госці Дня адкрытых дзвярэй змогуць даведацца ўсё пра дзевяць бакалаўрскіх, пяць магістарскіх і адну дактарскую праграму, якія ЕГУ прапануе ў 2025/2026 навучальным годзе. Але гэта яшчэ не ўсё — на падыходзе некалькі новых унікальных адукацыйных праграм бакалаўрыяту і магістратуры, якія ахопліваюць самыя прагрэсіўныя і практычныя аспекты, такія як game development, сучаснае медыяпрадукцыйства або урбаністыка.
Студэнты самі раскажуць пра сваё жыццё ў універсітэце, пра тое, як стварыць свой студэнцкі праект і атрымаць на яго фінансаванне, як зрабіць жыццё ў Вільнюсе максімальна камфортным і зручным, як спалучаць вучобу і працу і якія магчымасці міжнароднай мабільнасці прапануе універсітэт.
Таксама госці Дня адкрытых дзвярэй даведаюцца падрабязнасці аб фінансавых умовах, грантах і стыпендыях, якія дазваляюць вучыцца ў цэнтры Еўропы лёгка і выгадна. Будуць падрабязна асвятлены ўсе дэталі працэсу паступлення, візавай падтрымкі і легалізацыі ў Літве.
Дзень адкрытых дзвярэй ЕГУ 26 красавіка прайдзе ў гібрыдным фармаце — афлайн у новым кампусе і онлайн. Госці, якія падключацца онлайн, змогуць убачыць падрабязны рэпартаж з новага кампуса і атрымаць адказы на свае пытанні ад выкладчыкаў і куратараў навучальных праграм, супрацоўнікаў Цэнтра акадэмічнай падтрымкі і Аддзела па справах студэнтаў і міжнароднай мабільнасці.
Госці атрымаюць магчымасць прайсціся па новым кампусе, дзе ЕГУ ўжо займае некалькі паверхаў — з новага навучальнага года універсітэт значна пашырыцца.
Ну і, канечне, арганізатары падбаюць пра тое, каб самыя ўтульныя і смачныя моманты студэнцкага жыцця ў поўнай меры адчулі абітурыенты і госці Дня адкрытых дзвярэй.
Рэгіструйцеся і прыходзьце на Дзень адкрытых дзвярэй ЕГУ 26 красавіка — адчуйце атмасферу універсітэта будучыні!