Курсы падрыхтоўчага года паспяхова ажыццяўляюцца ўніверсітэтам з 2015/16 навучальнага года. За гэты час больш за 70 старшакласнікаў і выпускнікоў школ паспяхова скончылы навучыльны цыкл, дзякуючы чаму змаглі аўтаматычна паступіць на абраную бакалаўрскую праграму ЕГУ.
Слухачы праграм змогуць поўнасцю пагрузіцца ва ўніверсітэцкае асяроддзе і зразумець, што значыць быць студэнтам ЕГУ. Перавагі Курсаў у тым, што ў слухачоў будзе магчымасць вывучаць агульнагуманітарныя і спецыялізаваныя курсы разам са студэнтамі бакалаўрыята, а таксама быць аўтаматычна залічанымі ў ЕГУ пры паспяховым завяршэнні Курсаў.
Падрыхтоўчы год складаецца з наступных курсаў (агульны аб’ём нагрузкі — 800 гадзін):
- Ангельская мова для навучальных мэтаў А2-В1
- Уводзіны ў гуманітарныя веды
- Падрыхтоўка па эсэ / кампазіцыі
- Праектная дзейнасць (семінар)
Курсы падрыхтоўчага года прапаноўваюцца ў наступных фарматах:
- Дзённы фармат у Мінску (для 11-класнікаў і асобаў з сярэдняй ці сярэдняй спецыяльнай адукацыяй);
- Дзённы фармат у Вільні (толькі для асобаў з сярэдняй ці сярэдняй спецыяльнай адукацыяй).
Важна! Для паступлення на Курсы падрыхтоўчага года не патрэбна здаваць іспыты. Старшакласнікам і выпускнікам школ неабходна да 7 верасня запоўніць анлайн-анкету і прыняць удзел у сумоўі.
Працягласць навучання: з кастрычніка 2018 г. па чэрвень 2019 г. Гадавы кошт навучання – €700 (у Мінску) / €1400 (у Вільні). Аплата ажыццяўляецца за кожны з семестраў.