Пачынаючы з 9 жніўня былі затрыманыя 35 выпускнікоў, 9 студэнтаў ЕГУ і яшчэ больш за 30 000 мірных беларусаў. Зараз Мікалай знаходзіцца пад арыштам, згодна з абвінавачваннем, яму пагражае пазбаўленне свабоды да 3 гадоў.
Мы заклікаем выкпускнікоў, чальцоў супольнасці ЕГУ і партнёраў накіраваць Мікалаю ліст са словамі падтрымкі па адрасе: Сiза 1, вул. Валадарскага 2, Мiнск 220030, Беларусь (для Мікалая Дзядка).
Раней яшчэ 2 студэнты праграмы «Міжнароднае права і права Еўрапейскага саюза» Марыя (Марфа) Рабкова і Акіхіра Гаеўскі, былі прызнаныя палітычнымі зняволенымі. Супольнасць ЕГУ выказвае сваю заклапочанасць аб усіх незаконна затрыманых. Сёння 143 чалавекі прызнаныя палітычнымі зняволенымі ў Беларусі. Мы заклікаем улады Беларусі вызваліць Мікалая Дзядка, Марфу Рабкову, Акіхіра Гаеўскага і ўсіх, хто знаходзіцца пад незаконным пераследам, а таксама аднавіць іх поўныя грамадзянскія правы.
ЕГУ нагадвае аб уласнай гатоўнасці аказаць падтрымку студэнтам, якія апынуліся пад ціскам з боку ўладаў Беларусі. Дзякуючы фінансавай дапамозе Міністэрства замежных спраў Літвы, 46 грамадзян Беларусі ўжо змаглі працягнуць навучанне ўва беларускім універсітэце ў Вільні.
